陳柏宇 (Jason) 的《SPEECHLESS演唱會》繼續唱不停！繼上月到吉隆坡演出後，日前 (20日) 移師到深圳福田體育館舉行，適逢是 Jason 的36歲生日，全場歌迷一起為他唱生日歌慶祝，令 Jason 開心又感動！
由 Jason 的小師妹黃妍 (Cath) 擔任暖場嘉賓，演唱〈慢慢喜歡你〉和〈笑容迷路了〉。其後輪到抱病上陣的 Jason 現身演唱〈霸氣情歌〉等人氣作品。
他在台上透露擔心病情影響演出，幸好綵排時一切順利，他笑着向觀眾說：「不過對你哋嚟講都冇乜影響，因為你哋已經俾咗錢無得退，無論我把聲幾爛，你哋都要坐喺度聽。」觀眾聞言也笑着叫 Jason 「回水」。
Jason唱完〈磚頭〉後，現場大銀幕播出一班 Jason 的粉絲預先錄製生日送賀的短片，全不知情的 Jason 看完短片後，難掩感動，但隨即又笑言：「做咩成日都有啲嘢隱瞞住我，但又喺我演唱會度出現？」之後樂隊更奏起生日歌， Jason 帶頭與全場歌迷歌祝賀自己，之後更與全場大合照作紀念。
Jason 的《SPEECHLESS演唱會》系列另一焦點是他騷肌，但上月在馬來西亞站以除鞋「找數」的他，昨晚多次被觀眾大叫要求「除衫」，一向樂於滿足粉絲的 Jason 再拒絕：「唔除衫就熱，但除咗就凍，又熱又凍，我病緊㗎。」後來他索性推樂手頂上除衫的任務，場面相當搞笑。
Jason 也指今年的生日很特別，因為可以在演唱會中與一班粉絲度過，他說：「人越大越發覺生日係唔需要去慶祝嘅，但有人同自己慶祝係開心嘅，今年生日又特別啲，喺演唱會中度過。」。
而當Jason 提起寶貝女Abigail與太太符曉薇(Leanne) 也有在現場睇騷時，顯得份外精神，他再跟觀眾開玩笑說：「大家望我個女呢，又貴少少㗎喎，張飛會多廿蚊！」百厭的Jason 更叫Leanne 幫手遮囡囡的樣子，引得觀眾爆笑。完騷後 Jason 更與妻女在後台即興慶祝生日，一家人溫馨甜蜜，相信這個生日Jason一定過的很難忘。
。
